थप तीन कम्पनीको बोनस सेयर नेप्सेमा सूचीकृत, कुनको कति कित्ता ?
काठमाडौं । नेपाल स्टक एक्सचेञ्ज (नेप्से) मा तीन कम्पनीको बोनस सेयर सूचीकृत भएको छ । हिमालयन डिस्टीलरी, सांग्रिला डेभलपमेन्ट बैंक र स्वावलम्वन लघुवित्तको ५६ लाख ५८ हजार कित्ता बोनस सेयर सूचीकृत भएको हो ।
नेप्सेमा हिमालयन डिस्टीलरीको १० प्रतिशत बापतको २४ लाख २९ हजार ५६६ दशमलव६५ कित्ता, सांग्रिला डेभलपमेन्ट बैंकको ५ प्रतिशत बापतको १६ लाख ३३ हजार ७९५ दशमलव ८६ कित्ता र स्वावलम्वन लघुवित्तको १२.३५९९ प्रतिशत बापतको १५ लाख ९५ हजार ४५ कित्ता बोनस सेयर सूचीकृत भएको हो ।
यी तीनै वटा कम्पनीको बोनस सेयर अब सम्वन्धित सेयरधनीहरुको हितग्राही खातामा जम्मा भएपछि लगानीकर्ताहरुले खरिदबिक्री गर्न सक्नेछन् ।
