तीन जना विदेशीसहित ५० जना एकान्तकुनाबाट पक्राउ
काठमाडौं । तीन जना विदेशीसहित ५० जनालाई नेपाल प्रहरीको केन्द्रीय अनुसन्धान ब्युरो (सीआइबी) ले पक्राउ गरेको छ ।
ललितपुरको एकान्तकुनामा अवस्थित एक घरमा छापा मारेर सीआइबीले २ चिनिया र १ फिलिपिने नागरिकसहित ५० जनालाई नियन्त्रणमा लिएको हो । शंकास्पद कारोबार भइरहेको सूचनाका आधामार सीआइबीले छापा परेको थियो ।
उक्त घरभित्र अनलाइन ठगीका लागि कल सेन्टर समेत संचालन गरि शंकास्पद कारोबार हुँदै आएको सीआइबीले जनाएको छ । सो घटनाको थप अनुसन्धान भइरहेको छ ।
