काठमाडौंबाट कुरिनटार जाँदै गरेको इभि दुर्घटना, ११ जना घाइते
काठमाडौं । धादिङको थाक्रे गाउँपालिका–६ मा विद्युतीय माइक्रो दुर्घटना भएको छ । मुग्लिङ–काठमाडौ सडक खण्ड अन्तरगत महादेवबेशी नजिकै दुर्घटना भएको हो ।
आजै काठमाडौंबाट चितवनको कुरिनटार जाँदै गरेको बागमती प्रदेश ०१–०३० च ७६५९ नम्बरको इभी साढे १ बजे दुर्घटना भएको थियो ।
दुर्घटनामा परी ११ जना घाइते भएका छन् । जसमध्ये तीन जनाको अवस्था मध्यम रहेको छ भने अन्य यात्रुको अवस्था सामान्य रहेको छ । घाइतेहरूको महादेवबेसीस्थित टाइम्स केयर अस्पतालमा उपचार भइरहेको छ ।
