राष्ट्र बैंकले खारेज गरिदियो मोहर डिजीटलको अनुमतिपत्र
काठमाडौं । मोहर डिजीटल प्रालिको अनुमतिपत्र खारेज भएको छ । नेपाल राष्ट्र बैंकको भुक्तानी प्रणाली विभागका अनुसार मोहर डिजीटलको अनुमति पत्र खारेज गरिएको हो ।
मोहर डिजीटलले भुक्तानी तथा फस्र्यौट ऐन, २०७५ को दफ ३६ को खण्ड (छ) र (ज) बमोजिमको कसूर गरेको देखिएकाले अनुमति पत्र खारेज गरिएको केन्द्रीय बैंकले जनाएको छ ।
राष्ट्र बैंकका अनुसार भुक्तानी तथा फस्र्यौट विनियमावली (प्रथम संशोधन, २०८०), २०७७ को ३५ को खण्ड (ग) को व्यवस्था बमोजिम उक्त संस्थाको अनुमतिपत्र खारेज भएको हो ।
साथै उक्त संस्थाले जारी गरेका भुक्तानी उपकरणहरुको प्रयोग गर्ने ग्राहकसंगको कुनै दायित्व बाँकी रहे सम्वन्धित संस्थामा सम्पर्क गर्न राष्ट्र बैंकले अनुरोध गरेको छ ।
