राष्ट्रियसभाबाट पारीत भयो नेपालको नयाँ नक्सा
काठमाडौं । नेपाल सरकारले लिम्पियाधुरा, लिपुलेक र कालापानी क्षेत्र समेटिएको नेपालको नक्सा राष्ट्रियसभाबाट पारीत गरेको छ ।
बिहीबार भएको राष्ट्रियसभाबाटको बैठकबाट नेपालको गुमेको भुभाग लिम्पियाधुरा, लिपुलेक र कालापानी क्षेत्र समेटीएको नेपालको नक्सा सर्वसम्मतिले पारीत भएको हो ।
लिम्पियाधुरा, लिपुलेक र कालापानी क्षेत्र समेटिएको नेपालको निशान छापमा रहेको नक्सा परिवर्तनका लागि सरकारले ल्याएको संशोधन विधेयक यसअघि नै प्रतिनिधिसभाबाट सर्वसम्मतिले पारित भैसकेको छ ।
अव राष्ट्रपतिले प्रमाणिकरण गरेपछि नेपालको संविधानमा लिम्पियाधुरासहितको क्षेत्र समेटिएको नयाँ निशान छाप भएको नेपालको नक्सा समेटिनेछ ।
सरकारले गत जेठ ७ गते लिम्पियाधुरा, लिपुलेक र कालापानीसहितको क्षेत्र समेटेर नेपालको नयाँ राजनीतिक तथा प्रशासनिक नक्सा जारी गरेको हो ।
