ऊर्जा क्षेत्रमा जलविद्युत आयोजनालाई अघि बढाउने बोर्डको निर्णय
काठमाडौं । ऊर्जा क्षेत्रमा जलविद्युत आयोजनालाई अघि बढाउने निर्णय भएको छ । प्रधानमन्त्री पुष्पकमल दाहालको अध्यक्षतामा बसेको लगानी बोर्डको ५३औं बैठकले यस्तो आयोजना अगाडि बढाउने निर्णय गरेको हो ।
अर्थमन्त्री डा.प्रकाशशरण महतका अनुसार स्वदेशी, विदेशी र ठूलो आकारका आयोजनाहरु नेपाल लगानी बोर्ड मार्फत अगाडि बढाउने भएको छ। तल्लो अरुण, माथिल्लो मर्स्याङ्दी, दूधकोशी–२ लगायत जलविद्युत आयोजनालाई अगाडि बढाउने लगानी बोर्डको बैठकले निर्णय गरेको छ । त्यसैगरी सिमेन्टमा लगानी भएका आयोजनामा उत्पादन तहमा पुगेका छन्, त्यससँग जोडिएको विषयमा पनि केही निर्णय भएको मन्त्री डा। महतले बताएका छन् ।
रसायनिक मल उत्पादनको चासो सर्वत्र छ । त्यस विषयमा पनि लगानी बोर्डले केही निर्णय गरेको छ । लगानी बोर्डका उपाध्यक्ष समेत रहेका अर्थ मन्त्री डा।महतले भने, ‘मल उत्पादनका लागि वैदेशिक लगानीकर्ताले विस्तृत अध्ययन गर्न अनुमति पर्खि रहनु भएको छ, दुईवटा वैदेशिक लगानीकर्तालाई अनुमति दिने प्रकृया अगाडि बढाउने निर्णय भएको छ ।
लगानीसँग जोडिएको अन्य धेरै विषयमा बोर्डमा छलफल भएको मन्त्री डा। महतले बताए । उनले भने, ‘यतिबेला लगानी विभिन्न चरणमा रहेको छ । कोही अध्ययनको चरणमा छ, कोही सम्पन्न हुने चरणमा छ, कोही कार्यान्वयनको चरणमा पुगेको उनले बताए । विभिन्न चरणमा भएका आयोजनाहरुलाई अगाडि बढाउने र त्यो सँगसँगै आगामी दिनमा लगानी बोर्डको प्राविधिक लगायत अन्य क्षमतामा वृद्धि गरेर भविष्यमा थप लगानीको परिवेश निर्माण गर्ने कुरामा छलफल भएको थियो ।
बोर्ड बैठकमा कार्यविधि, ऐनमा संशोधन गर्नुपर्ने कुरा उठेका थिए, त्यस विषयमा सरकारले आवश्यकता अनुसार निर्णय लिने मन्त्री डा।महतले बताए । उनले भने, आगामी दिनमा लगानी सम्मेलन गर्ने विषय पनि उठेको थियो, त्यसको उपयुक्त मिति छलफल पछि टुंग्याइने छ ।’
