सेयर बजारको ओरालो यात्रामा ब्रेक, आज दोहोरो अंकले बढ्यो
काठमाडौं । सेयर बजारको ओरालो यात्रामा ब्रेक लागेको छ । दुई लगातार उच्च अंकले घटेको बजार आज भने हरियाली बनेको छ ।
साताको तेस्रो कारोबार दिन बजार २५.८८ अंकले वृद्धि भएको छ । आज बजार परिसूचक २ हजार ६६५.८१ अंकको बिन्दुमा पुगेर बन्द भएको छ ।
आज सबै समूहहरु हरियाली बनेका छन् । बजार वृद्धि भएता पनि कारोबार रकम भने घटेको छ । आज ४ अर्ब १७ करोड १६ लाख ६५ हजार रुपैयाँ बराबरको १ करोड ९ लाख ६२ हजार २८१ कित्ता सेयर खरिदबिक्री भएको छ ।
