सिनर्जी पावरको ५० प्रतिशत हकप्रद सेयरमा आवेदन दिने आज अन्तिम मौका
काठमाडौं । सिनर्जी पावर डेभलपमेन्ट कम्पनीको हकप्रदमा आज अर्थात भदौ ३१ गतेसम्म आवेदन दिन सकिनेछ । कम्पनीले हाल कायम चुक्ता पूँजीको ५० प्रतिशत हकप्रद सेयर जारी गरेको हो ।
कम्पनीले ४० करोड ३२ लाख ८७ हजार ५०० रुपैयाँ बराबरको प्रतिसेयर १०० रुपैयाँ अंकित मूल्यका ४० लाख ३२ हजार ८७५ कित्ता हकप्रद सेयर निष्कासन गरेको छ । हकप्रद सेयर प्रयोजनका लागि कम्पनीले साउन १२ गते बुक क्लोज गरिसेको छ । सो आधारमा साउन ११ गतेसम्म नेप्सेमा कारोबार भइ कायम सेयरधनीहरुले आवेदन दिन सक्नेछन् ।
हकप्रद निष्काशनका लागि गराएको रेटिङ्गमा इक्रा नेपालले कम्पनीलाई इक्राएनपी इस्यूअर रेटिङ्ग डबल बी प्लस प्रदान गरेको छ । यसले समयमा वित्तीय दायित्व बहन गर्ने क्षमतामा मध्यम जोखिम रहेको संकेत गर्दछ।
कम्पनीको सेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ।
