जि मोटर्सले ल्याओ सर्वाधिक रेन्ज दिने विद्युतीय गाडी ‘स्काइवेल’, कति पर्छ मुल्य ?
काठमाडौं । सबैभन्दा धेरै रेन्ज दिने इकाइवेलको विद्युतीय गाडी नेपाल भित्रिएको छ । लामो समयदेखि सवारी बिक्री गर्दै आएको जी मोटर्सले आधिकारिक बिक्रेताका रूपमा नयाँ विद्युतीय सवारी ब्रान्ड स्काइवेल नेपाल भित्र्याएको हो ।
जी मोटर्सले चिनियाँ विद्युतीय सवारी ब्रान्ड स्काइवेल नेपाल भित्राएको छ । विद्युतीय सवारी प्रति उपभोक्ताको बढ्दो चाहनालाई सम्बोधन गर्न कम्पनीले प्रिमियम ब्रान्डको विद्युतीय एसयूभी ल्याएको जी मोटर्सका प्रबन्ध निर्देशक कैलाशबाबु गेलालले बताए ।
स्काइवेलका विद्युतीय सवारी जर्मनि, इजरायल्, टर्की र रसिया लगायत ४८ भन्दा बढी देशमा बिक्री हुँदै आएको छ ।
उच्च प्रविधियुक्त र नेपालमा उपलब्ध मध्य सर्वाधिक रेन्ज दिने स्काइवेलको विद्युतीय एसयूभी ईटी ५ भित्र्याएको प्रबन्क निर्देशक गेलाले बताए ।
उनका अनुसार स्काइवेल ईटी ५ ले एक पटकको फुल चारर्जमा ६ सय २० किलोमिटर रेन्ज दिनेछ । हाल नेपालमा उपलब्ध कारमा ५०० माईलेज रेञ्ज छ । तर, स्काईवालको माईलेज रेञ्ज ६२० किलोमिटर रहेको छ ।
स्काइवेल ईटी ५ मा ८५.९ किलोवाट आवरको ब्याट्री प्याक रहेको छ । त्यस्तै यो एसयूभीमा १ सय ५० किलोवाट क्षमताको विद्युतीय मोटर उपलब्ध छ ।
स्काइवेल ईटी ५ विशेष्गरि इन्टेलिजेन्ट स्टाइलिङ, इन्टेलिजेन्ट इन्जोइमेन्ट, इन्टेलिजेन्ट कनेक्टिभिटी, इन्टेलिजेन्ट ड्राइभिङ, इन्टेलिजेन्ट सेक्युरिटी, इन्टेलिजेन्ट इलेक्ट्रोनिक र इन्टेलिजेन्ट जोयमा आधारित रहे प्योर ईभी प्ल्याटफर्ममा बनेको हो ।
यी विशेषताले यो विद्युतीय एसयूभीलाई प्रिमियम क्याटागोरी प्रदान गरेको छ । यस्को टपस्पिड १६० प्रतिघण्टा भन्दा बढी रहेको छ, जस्ले उपभोक्तालाई उच्च गतीको सवारी ड्राईभिङ्ग अनुभुती दिलाउने कम्पनीले जनाएको छ ।
स्वाइवेल ईटी ५ मा प्यानारोमिक सनरूफ सहित स्क्सक्लुसिभ पेटेन्डेड स्लिप सिट र मेट्रिक्स लेजर हेडलाइटले उपभोक्तालाई लक्जरी प्रदान गर्ने कम्पनीले जनाएको छ । स्काईवालको मूल्य १ करोड ९ लाख रुपैयाँ निर्धारण गरिएको छ
२०७४ मा स्थापना भएको जी मोटर्सले यस अघि नेपाली बजारमा विभिन्न ब्रान्ड सवारी स्थानीय डिलरका रूपमा बिक्री गर्दै आएको छ । जी मोटर्सले काठमाडौं र इटहरीमा ८ वटाभन्दा बढी शोरूमबाट २ हजार उपभोक्तालाई सेवा उपलब्ध गराइसकेको छ । जि मोटर्सले आजैदेखि विराटनगर, नारायणगढ र ललितपुर सोरुमको सुरुवात पनि गरेको छ ।
पछिल्लो समय विद्युतीय सवारी प्रति बढ्दो उपभोक्ता चाहनालाई सम्बोधन गर्न जी मोटर्सले जी ईभीमार्फत स्वाइवेल ब्रान्ड आधिकारिक रूपमा ल्याएको हो। विद्युतीय एसयूभीमा पनि प्रिमियम सेमगेन्टका उपभोक्तालाई उपयुक्त मूल्यमा सवारी उपलब्ध गराउने उद्देश्यले जी ईभीले नयाँ ब्रान्ड भित्र्याएको हो ।
जी मोटर्सका प्रबन्ध निर्देशक गेलाल विगत १६ वर्षदेखि आटोमोबाइल क्षेत्रमा आवद्ध छन्। लामो समयको सवारी बिक्री अनुभवमार्फत स्वाइवेल ब्रान्डसहिरत नेपाली उपभोक्ता र यहाँको भूगो सुहाउँदो प्योर ईभी प्ल्याटफर्मका विद्युतीय सवारी बिक्रीमा होमिएका छन्।
