प्रभु लाइफ इन्स्योरेन्सको साधारण सभा आज बस्दैं
काठमाडौं । प्रभु लाइफ इन्स्योरेन्स लिमिटेडले वार्षिक साधारण सभा आज (जेठ २६ गते) बस्दैंछ । सभा लैनचौर ब्यांकेट, लैनचौर काठमाडौंमा बिहान ११ बजे बस्ने गरी आव्हान गरेको हो ।
कम्पनीले गत आर्थिक वर्षको मुनाफाबाट आफ्ना सेयरधनीहरुलाई वितरण गरेको ९।८ प्रतिशत बोनस सेयर र कर प्रयोजनका लागि ०।५१५८ प्रतिशत नगद लाभांश वितरण गर्ने प्रस्ताव पारित गर्नेछ ।
यस्तै, प्रभु लाइफ र महालक्ष्मी लाइफ इन्स्योरेन्स एक–आपसमा गाभिने सम्बन्धी प्रस्ताव पारित गर्ने मुख्य एजेण्डा रहेको छ । यी दुई कम्पनी गाभिएर ‘प्रभु महालक्ष्मी लाइफ इन्स्योरेन्स’ को नामबाट एकीकृत कारोबार गर्ने प्रस्ताव पनि पेश हुनेछ ।
यसका साथै, सम्पति तथा दायित्व मूल्यांकन प्रतिवेदनका आधारमा कायम १ः१ सेयर स्वाप अनुपात स्वीकृत गर्ने प्रस्ताव समेत सभाको कार्य सूचीमा समावेश गरीएको छ ।
