थप महँगियो सुन, आज कतिमा हुँदैछ खरिदबिक्री ?
काठमाडौं । सुनको भाउ थप महँगिएको छ । नेपाली बजारमा छापावाला सुनको भाउ प्रतितोला ७०० रुपैयाँले बढेको हो ।
आजका लागि छावावाला सुनको भाउ १ लाख ३९ हजार ३०० रुपैयाँ तोकिएको छ । जुन हालसम्मकै उच्च हो । नेपाल सुनचाँदी व्यवसायी महासंघका अनुसार आजका लागि तेजावी सुनको भाउ भने १ लाख ३८ हजार ६५० रुपैयाँ कायम भएको छ।
साताको अन्तिम कारोबार दिनका लागि चाँदीको भाउ १ हजार ७२० रुपैयाँ तोकिएको छ । तर, बिहीबारको तुलनामा भने प्रतितोला ५ रुपैयाँले घटेको हो ।
