लुम्बिनी प्रदेश सरकारले ल्यायो अध्यादेशबाट बजेट
काठमाडौं । लुम्बिनी प्रदेश सरकारले अध्यादेशबाट बजेट ल्याएको छ । प्रदेश सरकारको सिफारिसमा लुम्बिनी प्रदेश प्रमुख धर्मनाथ यादवले २ वटा अध्यादेश जारी गरेपछि सरकारलाई अध्यादेशबाट बजेट ल्याउन बाटो खुलेको छ ।
आज बिहान बसेको मन्त्रिपरिषद बैठकले अध्यादेशबाट बजेट ल्याउने निर्णय गरेको सरकारका प्रवक्ता तथा आर्थिक मामिला तथा योजनामन्त्री बैजनाथ चौधरीले जानकारी दिएका छन ।
आज बिहान बसेको मन्त्रिपरिषद बैठकको आधारमा प्रदेश प्रमुख यादवले लुम्बिनी प्रदेश विनियोजन अध्यादेश, २०७८ र लुम्बिनी प्रदेश आर्थिक अध्यादेश जारी गरेका थिए ।
सरकारले बिहीबार राती नै बजेट अधिवेशन अन्त्य गरेर आज अध्यादेशबाट बजेट ल्याएको हो ।