सिभिल बैंकको लाभांश इतिहास: ९ वर्षमा शेयरधनीलाई ५९.४७ प्रतिशत लाभांश दियो, बोनस शेयर कति ?
काठमाडौं । सिभिल बैंक लिमिटेडले गत आर्थिक बर्षको मुनाफाबाट शेयरधनीहरुलाई ५.२६ प्रतिशत लाभांश घोषणा गरेको छ । बैंकले हाल कायम चुक्ता पूँजीको ५ प्रतिशत बोनस शेयर र कर प्रयोजनार्थ ०.२६ प्रतिशत नगद गरी कुल ५.२६ प्रतिशत लाभांश वितरण गर्ने प्रस्ताव गरेको हो । बैंकले प्रस्ताव गरेको उक्त लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाबाट पारित गरेपश्चात शेयरधनीहरुलाई वितरण गरिनेछ ।
यो सहित सिभिल बैंकले ९ बर्षमा शेयरधनीहरुलाई ५९.४७ प्रतिशत लाभांश दिएको छ । बैंकले आर्थिक बर्ष २०६९–७० देखि आर्थिक बर्ष २०७७–७८ सम्ममा ३९.८८ प्रतिशत बोनस शेयर र १९.५९ प्रतिशत नगद लाभांश गरी कूल ५९.४७ प्रतिशत लाभांश वितरण गरेको हो । बैंकले ९ बर्षको अवधिमा ३ पटकमा बोनस शेयर नदिएर नगद लाभांश मात्रै दिएको छ ।
सिभिल बैंकको नेपाल स्टक एक्सचेञ्ज (नेप्से) मा शेयरमूल्य प्रतिकित्ता २३५ रूपैयाँ रहेको छ । बैंकको सबैभन्दा धेरै आर्थिक वर्ष २०७३–७४ मा १०.७९ प्रतिशत लाभांश वितरण गरेको थियो भने सबैभन्दा थोरै आर्थिक वर्ष २०७२–७३ मा ३.०३ प्रतिशत लाभांश वितरण गरेको थियो ।
बैंकको ९ बर्षको लाभांश इतिहास
१. आर्थिक बर्ष २०७७–७८ मा बैंकले ५ प्रतिशत बोनस शेयर र ०.२६ प्रतिशत गरी कूल ५.२६ प्रतिशत लाभांश वितरण गर्ने घोषणा गरेको छ ।
२. आर्थिक वर्ष २०७६–७७ मा बैंकले ८ प्रतिशत बोनस शेयर र .४२ प्रतिशत नगद गरी कूल ८.४२ प्रतिशत लाभांश वितरण गरेको थियो ।
३. आर्थिक वर्ष २०७५–७६ मा बैंकले बोनस शेयर दिएको थिएन भने ६.५७ प्रतिशत नगद लाभांश मात्रै वितरण गरेको थियो ।
४. आर्थिक वर्ष २०७४–७५ मा बैंकले बोनस शेयर दिएको थिएन भने नगद लाभांश ४.०५ प्रतिशत वितरण गरेको थियो ।
५. आर्थिक वर्ष २०७३–७४ मा बैंकले १०.२५ प्रतिशत बोनस शेयर र ०.५४ प्रतिशत नगद गरी कूल १०.७९ प्रतिशत लाभांश वितरण गरेको थियो ।
६. आर्थिक वर्ष २०७२–७३ मा बैंकले २.८८ प्रतिशत बोनस शेयर र ०.१५ प्रतिशत नगद गरी कूल ३.०३ प्रतिशत लाभांश वितरण गरेको थियो ।
७. आर्थिक वर्ष २०७१–७२ मा बैंकले ६.७५ प्रतिशत बोनस शेयर र ०.३५ प्रतिशत नगद गरी कूल ७.१ प्रतिशत लाभांश वितरण गरेको थियो ।
८. आर्थिक वर्ष २०७०–७१ मा बैंकले ७ प्रतिशत बोनस शेयर र १.५ प्रतिशत नगद गरी कूल ८.५ प्रतिशत लाभांश वितरण गरेको थियो ।
९. आर्थिक वर्ष २०६९–७० मा बैंकले बोनस शेयर दिएको थिएन भने ५.७५ नगद लाभांश वितरण गरेको थियो ।
Fiscal Year | Bonus Dividend | Cash Dividend | Total Dividend |
2077/78 | 5.00 | 0.26 | 5.26 |
2076/77 | 8.00 | 0.42 | 8.42 |
2075/76 | 0.00 | 6.57 | 6.57 |
2074/75 | 0.00 | 4.05 | 4.05 |
2073/74 | 10.25 | 0.54 | 10.79 |
2072/73 | 2.88 | 0.15 | 3.03 |
2071/72 | 6.75 | 0.35 | 7.1 |
2070/71 | 7.00 | 1.5 | 8.5 |
2069/70 | 0.00 | 5.75 | 5.75 |