हुण्डी कारोबारमा संलग्न तीन जना पक्राउ « Arthapath.com
२४ श्रावण २०७९, मंगलवार

हुण्डी कारोबारमा संलग्न तीन जना पक्राउ



काठमाडौं । काठमाडौंबाट हुण्डी कारोबारमा संलग्न तीन जना पक्राउ परेका छन् । पक्राउ पर्नेमा एक भारतीय नागरिक र दुई नेपाली रहेका हुन् ।

उपत्यका अपराध अनुसन्धान कार्यालयका एसपी कृष्ण कोइरालाले सोमबार साँझ तीन जना हुण्डी कारोबारीसहित नगद ७४ लाख बरामद भएको बताए । पक्राउ पर्नेमा भारतको राजस्थान घर भएका राजु अग्रवाल, सिन्धुपाल्चोकको मेलम्चीका रामहरि दुलाल र रौतहटका सुदिप आचार्य रहेका छन् ।

कोइरालाले पक्राउ परेकाको साथबाट २६ लाख ९६ हजार रुपैयाँ बराबरको चेक समेत बरामद भएको जानकारी दिए ।


प्रतिक्रिया दिनुहोस्