लुम्बिनी विकास बैंकको ऋणपत्रमा आवेदन दिने आज अन्तिम मौका
काठमाडौं । लुम्बिनी विकासबैंकको ऋणपत्रमा आवेदन दिने आज अन्तिम मौका रहेको छ । कम्पनीले जेठ १६ गतेदेखि १ अर्ब रुपैयाँ बराबरको ऋणपत्र निष्कासन गरेको हो । सो ऋणपत्रमा आज बैंकिङ्ग समयभित्र आवेदन दिन सकिनेछ ।
कम्पनीले प्रतिइकाई १ हजार रुपैयाँको दरमा १० लाख इकाई ऋणपत्र जारी गर्ने भएको छ । जसमध्ये ६० प्रतिशत ९६ लाख इकाई० बैंकले आफ्नै पहलमा अन्य संघसंस्थालाई बिक्री गर्ने भएको भने ४ लाख इकाई सर्वसाधारणका लागि छुट्याइएको छ ।
सामूहिक लगानी कोषलाई २० हजार इकाई सुरक्षित गरिएको छ । बाँकी ३ लाख ८० हजार कित्ताको लागि लगानीकर्ताले आवेदन दिन सक्नेछन् ।
बैंकले १० वर्ष अवधिको ‘११ प्रतिशत एलबीबीएल डिबेन्चर २०८९’ जारी गरेको हो । जसमा वार्षिक ११ प्रतिशत ब्याजदर दिनेछ । न्यूनतम २५ इकाईदेखि अधिकतम १ लाख इकाईसम्म आवेदन दिन सकिने कम्पनी जनाएको छ ।
कम्पनीको बिक्री प्रबन्धकमा नबिल इन्भेष्टमेन्ट बैंकिङ रहेको छ । ऋणपत्रमा सी–आस्वा सदस्य बैंक तथा वित्तीय संस्था र मेरो सेयर सफ्टवेयरमार्फत अनलाइनबाट आवेदन दिन सकिनेछ ।
