नेपाल लघुवित्त बैंकर्स संघले गर्यो मधेश प्रदेशमा वित्तीय साक्षरता कार्यक्रम

काठमाडौं ।नेपाल लघुवित्त बैंकर्स संघले मधेश प्रदेश लहानमा वित्तीय साक्षरता राष्ट्रिय अभियान कार्यक्रम सम्पन्न गरेको छ ।

कार्यकारी प्रमुख किसोरी महत्तो लगाएत २६ वटा लघुवित्त वित्तीय संस्थाका प्रदेश प्रमुख, विभागीय प्रमुख, शाखा प्रमुख सदस्यहरु, कर्मचारी तथा स्थानीयहरुको सहभागिता रहेको थियो । करिब १००० जना लघुवित्तका सेवाग्राही सदस्यहरु सहभागीतामा वित्तीय साक्षरता जनचेतना मूलक ¥यालीलहान चोक बाट सुरु भई लहान बजार परिक्रमा गर्दै गोपाल सदनमा औपचारी कार्यक्रमका विच समापन भएको थियो । सेवाग्राही सदस्यहरुले ¥यालीमा लघुवित्त हामीलाई चाहिन्छ, कर्जाको सदुपयोगिता गरौं, लघुवित्तको व्याजदर १५ प्रतिशत हो, भ्रामक समाचारको भर नपरौं जस्ता नारा लगाएका थिए ।

महुली लघुवित्त वित्तीय संस्थालिका प्रमुख कार्यकारी अधिकृत गंगाधर पाण्ंडेले लघुवित्तको वर्तमान अवस्था, बचतको महत्व, कुलकर्जा लगानी, कुल बचत, कुल कर्मचारी संख्या, महिला उद्यमशीलतामा लघुवित्तले गरेका महत्वपूर्ण कामहरु, लघुवित्तको कर्जा मिनाहामा गरिएका भ्रामक टिप्पणी तथा समुहहरुको बारेमा प्रष्ट पारेका थिए ।

कार्यक्रममा सेवाग्राही सदस्यहरु प्रमिला साह, सन्जु कुमारी सिंह लगाएतले लघुवित्तबाट कर्जा तथा बचत कारोबार गरेर संर्घष गर्दै उद्यमी भएको कथाहरु भनेका थिए । सेवाग्राही सदस्यहरुले आफ्नो कुराहरु राख्ने क्रममाभावुकहुँदै कसैले केहि नपत्याउने अवस्थामा लघुवित्तले कर्जा लगानी गरेको र वर्तमानअवस्थामा समेत लघुवित्त बिना अगाडी बढ्न नसक्ने बताउदै अरुहरुलाई पनिकर्जा सदुपयोगीतागर्न, आम्दानीअनुसारको खर्च गर्न सुझावदिएकाथिए ।

प्रदेश सासंद ललितादासले लघुवित्त महिलाहरुको साथी तथा उन्नतीको प्रमुख तत्व रहेको बताउदै अनावश्यक भ्रामक समाचार तथा समुहमा नलाग्न बताएकी थिइन् । उनले महिलाहरुको समपतिको नाममा अहिले पनि केहि नरेको र लघुवित्तको विना धितो कर्जा तथा बचतको कारोबारले आर्थिक उन्नती भएको देख्न नसक्नेहरुले नै अनावश्यक भ्रामक समाचारहरु फैलाएको बताएकी थिइन् ।

उपसभामुख एवं पुर्व मन्त्री चित्रलेखा यादवले महिलाहरु बोल्न पनि नसक्ने अवस्थामा लघुवित्तले महिला नेतृत्वको विकास गरेकोमा खुशि व्यक्त गरिन । विना धितो कर्जा, बचत गर्ने बानिको बिकास गर्न सिकाउने संस्था नराम्रो हुन सक्दैन भन्दै अनावश्यक कर्जा मिनाह लगाएतको हल्लामा नलाग्न साथै लिएको कर्जा सदुपयोगीता गर्दै उद्यमशील हुन सेवाग्राही सदस्यहरुलाई आग्रह गरेकी थिइन् । उनले महिलाको आर्थिक सबलिकरण भएको देख्न नसक्नेहरुले अनावश्यक हल्ला तथा भ्रामक समाभर फैलाएको बताएकी थिइन् ।

कार्यक्रमका प्रमुख अतिथि प्रतिनिधि सभा सासंद एवंम पुर्व मन्त्री लिलानाथ श्रेष्ठले देशको आर्थिक अवस्थाएकदमै कमजोर रहेको बताउदै यस्तो अवस्था कस्ता समुह सक्रिय रहेको हो ?भन्ने प्रश्नगर्दै आफ्नो जिम्मेवारी बाट सबै पछि हटे देश दुर्घटनामा जाने तर्फ संकेत गर्दै कानुनमै नभएको कर्जा मिनाह लगाएतको भ्रामक समाचार तथा समुहहरुको पछि नलाग्न सुझाएका थिए । उनले समस्या संस्थाको केही नितिनियममा भए सम्बन्धित संस्थासँग छलफल गर्न सुझव वदिदैं, जिम्मेवार बन्न आग्रह गरेका थिए ।

साथै, नेपाल लघुवित्त बैंकर्स संघका महासचिव रामबहादुर यादवले कर्जा मिनाहा हुदैन् भ्रामक समुह तथा समाचरहरुको पछि लाग्दा सेवा ग्राही सदस्यहरु दलदलमा फस्ने तर्फ सचेत गराएका थिए । उनले लघुवित्तले १५ प्रतिशत भन्दा धेरै र १.५ सेवा शुल्क भन्दा धेरै शुल्कन लिएको भन्दै अनावश्यक समाचार प्रति आपति जनाएका थिए । कार्यक्रमा बोल्दै उनले अनावश्यक भ्रम फैलाउनेहरुलाई कारर्वाहीको माग गर्दै सेवाग्राही सदस्यहरुलाई वास्तविक समस्या भए संस्थालाई बताउन सुझाव दिएका थिए ।