रिलायबल लाइफका सीईओ लोहनीको कार्यकाल थप गर्न बीमा समितिको स्वीकृति

काठमाडौं । रिलायबल नेपाल लाइफको सीईओ नारायणबाबु लोहनीको कार्यकाल थप गर्न बिमा समितिले स्वीकृति दिएको छ । साउन १ गते बसेको संचालक समितिको बैठकले प्रमुख कार्यकारी अधिकृत (सीईओ) को कार्यकाल थप गर्ने निर्णय गरेको थियो ।

सीईओ लोहनीको कार्यकाल थप गर्दै स्वीकृतिका लागी बीमा समितिमा पत्र पठाएको थियो । बीमा समितिले उनलाई सिईओ नियुक्त गर्न स्वीकृति दिएको छ ।सीईओ लोहनीको पहिलो ४ बर्षे कार्यकाल साउन १७ गते सकिँदैछ । कार्यकाल सकिनुअघि नै बीमा समितिले स्वीकृति दिएपछि थप ४ बर्षका लागी कम्पनीले लोहनीलाई सीईओ नियुक्त गर्नेछ ।

लोहनीले सिभिल इन्जिनियर र व्यस्थापनमा स्नातकोत्तरको अध्ययन गरेका छन् । बैंक वित्तीय संस्थामा १ दशक भन्दा बढी अनुभव लोहनीसँग छ । एम टेक इन्जिनियरिङ एण्ड कन्सल्टेन्सी सर्भिस र बैंक वित्तीय संस्था र बीमा कम्पनीमा लोहनीले २ दशक काम गरेको अनभव छ ।