नेप्सेमा २ कम्पनीको बोनस सेयर सूचिकृत
काठमाडौं । नेपाल स्टक एक्सचेञ्ज (नेप्से) मा आज (सोमबार) २ वटा कम्पनीको बोनस सेयर सूचिकृत भएको छ ।
स्टकका अनुसार गुडविल फाइनान्स कम्पनी लिमिटेडको ९.१ प्रतिशत बोनस बापतको ७ लाख ८९ हजार एक सय ५२ कित्ता सेयर सूचिकृत भएको हो ।
कम्पनीले गत आर्थिक वर्ष २०७७/७८ को मुनाफाबाट कम्पनीका शेयरधनीहरूलाई चुक्ता पूँजीको ९.१ प्रतिशत बोनस सेयर र कर प्रयोजनका लागि समेत ३.९ प्रतिशत नगद गरी कुल १३ प्रतिशत लाभांश वितरण गर्ने घोषणा गरेको थियो ।
त्यसैगरी, नेपाल बैंक लिमिटेडको १४ प्रतिशत बोनस बापतको एक करोड ७६ लाख ९१ हजार ४ सय ६२ दशमलव ०७ कित्ता सेयर सूचिकृत भएको हो ।
नेपाल बैंक लिमिटेडको कार्तिक ७ गते बसेको सञ्चालक समितिको बैठकले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको १४ प्रतिशत बोनस सेयर र कर प्रयोजनका लागि ३ प्रतिशत नगद गरी कुल १७ प्रतिशत लाभांश वितरण गर्ने घोषणा गरेको थियो ।
