नेष्डो समृद्ध लघुवित्तको तेस्रो वार्षिक साधारण सभा कहिले ?
काठमाडौं । नेष्डो समृद्ध लघुवित्त वित्तीय संस्था लिमिटेडको तेस्रो बार्षिक साधारण सभा असार ३१ गतेका लागि बोलाएको छ । लघुवित्तको असार ९ गते बसेको संचालक समितिको बैठकले वित्तीय संस्थाको केन्द्रिय कार्यालय कुश्मा पर्वतमा दिउँसो १ बजे बस्ने गरी सभा आव्हान गरेको हो ।
सभाले आर्थिक वर्ष २०७७।०७८ को वार्षिक प्रतिवेदन उपर छलफल गरी पारित गर्नुका साथै लेखापरिक्षकको प्रतिवेदन सहितको २०७८ असार मसान्तको वासलात, नाफा नोक्सान हिसाब र सोही अवधीको नगद प्रवाह विवरण तथा सोसँग सम्बन्धीत अनुसूचीहरु उपर छलफल गरी पारित गर्नेछ । त्यस्तै, चालु आर्थिक वर्षको लागि लेखा परीक्षकको नियुक्ति र निजको पारिश्रमिक निर्धारण गर्ने प्रस्ताव समेत पारित गर्नेछ ।
साथै, स्वतन्त्र संचालकको नियुक्ति गर्ने र संचालक समितिमा सर्वसाधारण समूहबाट प्रतिनिधित्व गर्ने २ जना संचालक निर्वाचन गर्नेछ ।
साधारण सभा प्रयोजनका लागि लघुवित्तले असार २३ गतेदेखि ३१ गतेसम्म बुक क्लोज गरेको हुदाँ असार २२ गतेसम्म कायम शेयरधनीहरुले मात्र सभामा भाग लिन पाउनेछन् ।
