छुट्ला है एक लघुवित्तको २० प्रतिशत लाभांश, सुरक्षित गर्ने दिन नजिकियो
काठमाडौं । निर्धन उत्थान लघुवित्त वित्तीय संस्था लिमिटेडको लाभांश सुरक्षित गर्ने भोलि (फागुन १गते) अन्तिम दिन रहेको छ । सभा प्रयोजनका लागि कम्पनीले फागुन २ गते बुक क्लोज गर्ने भएको हुदाँ फागुन १ गतेसम्म कायम सेयरधनीहरुले मात्र सभामा भाग लिन र प्रस्तावित लाभांश प्राप्त गर्ने सक्नेछन् ।
कम्पनीले गत आर्थिक वर्षको मुनाफाबाट आफ्ना सेयरधनीहरुलाई प्रस्ताव गरेको १९ प्रतिशत बोनस सेयर र कर प्रयोजनका लागि १ प्रतिशत नगद लाभांश वितरण गर्ने मुख्य प्रस्ताव पारित गर्ने छ । उक्त प्रस्ताव पारितका लागि कम्पनीले वार्षिक साधारण सभा फागुन १२ गतेका लागि बोलाएको छ । सभासंस्थाको केन्द्रीय कार्यालय नक्साल भगवतीबहाल काठमाडौंमा बिहान १० बजे बस्ने गरी आव्हान गरेको हो ।
साथै, सभाले यस संस्थाको प्रबन्धपत्र संशोधन गर्न परेमा त्यसको सम्पूर्ण कामको अख्तियारी सञ्चालक समितिले तोकेको व्यक्तिलाई प्रदान गर्ने प्रस्ताव पनि रहेको छ । गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरणलगायतमा छलफल हुनेछ ।
