एसईईमा सहभागी विद्यार्थीहरुलाई डिम्याट तथा मेरो सेयर खाता खोल्दा बम्पर छुट

अर्थ पथ
प्रकाशित मिति : ४ बैशाख २०८१, मंगलवार

काठमाडौं । नेपाल एसबिलाई मर्चेण्ट बैंकिङ्ग लिमिटेडले एसईईमा सहभागी विद्यार्थीहरुलाई डिम्याट तथा मेरो सेयर खाताको खोल्दा बम्पर छुट दिने भएको छ ।

एसईई परीक्षामा सहभागी विद्यार्थीहरुलाई लक्षित गरी डिम्याट तथा मेरो शेयर खाता खोल्दा बम्पर छुट दिने भएको हो । उक्त छुट आगामी जेष्ठ मसान्तसम्म लागू हुने छ ।

योजनाअन्तर्गत निशुल्क डिम्याट र १ वर्षको डिम्याट तथा मेरो सेयरको नविकरणमा शुल्कमा ५० प्रतिशत, निशुल्क डिम्याट खाता खोली आजिवन नविकरणमा ८०.१४ प्रतिशत र आजिवन डिम्याट तथा मेरो सेयर नविकरणमा ८२.३१ प्रतिशत छुट प्राप्त गर्न सक्नेछन् । हाल यी योजनाहरुमा क्रमशः १०० रुपैयाँ, १ हजार ४९९ रुपैयाँ र १ हजार ९९९ रुपैयाँ लाग्नेछ ।

खाताहरुको सहज पहुँचले विद्यार्थीहरुलाई सुपथ लागतमा धितोपत्र लगानीका अवसर प्राप्त गर्ने र पूँजी बजारमा सहभागिताका साथै वित्तीय शिक्षा र लगानी गर्न विद्यार्थीहरुमा सानै उमेरदेखी जागरुप गर्ने विश्वास कम्पनीले लिएको छ ।